ԱԼԲԵՐ ԲԱԲԵԼՈՆ
Կուզենայի տեղեկություններ հայտնել «Կյանքի խոսք» աղանդի վերաբերյալ: Այդ աղանդի ներկայությունը բավական զգալի է նաեւ Ադրբեջանում: Աղանդավորները 2014 թ. հունվարի 20-ին նշեցին Բաքվում հայկական ջարդերի հետ կապված «վշտալի» տարելիցը: «Կյանքի խոսքի» պաստորները պարբերաբար այցելում են Հ. Ալիեւի գերեզման, մեր հանրապետության դեմ կռված զինվորներիՙ շահիդների ծառուղի: Համացանցում պարբերաբար տեղեկություններ են հայտնվում նրանց գործունեության մասին: Դեռ անցյալ տարի ես նրանց կայքէջում արձանագրել եմ մի շարք նյութեր: Կարծում եմՙ դա լավ առիթ է Հայաստանում աղանդավորներին եւ բուն «Կյանքի խոսք» աղանդը ճշմարտացիորեն պատկերացնելու համար: Աղանդի «հայ» ներկայացուցիչները ինքնաբերաբար ընդունում են ադրբեջանցի «եղբայրների» հայացքները: Եվ դա պետք է իմանան մեր հանրապետության գիտակից քաղաքացիները:
