Աշխատանքի եւ սոցիալական հարցերի նախարար Արտեմ Ասատրյանը երեկ լրագրողներին հայտնեց, որ եկող տարվա առաջին ամսվա կենսաթոշակները կվճարվեն հունվարի 3,4,5-ին, անկախ այն բանից, որ մինեւ հունվարի 12-ը աշխատանքային օրեր չեն լինելու: Նախարարը նաեւ տեղեկացրեց, որ 2015-ի հունվարի 1-ից կենսաթոշակները կբարձրանան 14 տոկոսով:
Կավելանան գիտությունների թեկնածուների եւ դոկտորների հավելավճարները
2015թ. հունվարի 1-ից, պետբյուջեի հաշվին իրականացվող գիտական եւ գիտատեխնիկական գործունեության ծրագրերում ընդգրկված գիտաշխատողների հավելավճարները կառավարության երեկվա որոշմամբ կավելանան` գիտության դոկտորինըՙ 50 հազար դրամ ներկայիս 20 հազար դրամի փոխարեն, գիտության թեկնածուինըՙ 25 հազար դրամ ներկայիս 10 հազար դրամի փոխարեն: Ըստ կրթության եւ գիտության նախարար Արմեն Աշոտյանի, հավելավճարից կօգտվեն գիտության 700 դոկտոր եւ 2 հազար 200 թեկնածու:
