Վրաստանի նախկին նախագահ Միխեիլ Սաակաշվիլին հրաժարվել է Ուկրաինայի փոխվարչապետի պաշտոնն զբաղեցնելու առաջարկությունից:
«Ես հրաժարվեցի այդ առաջարկությունից, քանի որ Վրաստանի քաղաքացի եմ: Ուրկաինայի քաղաքացիություն ստանալու դեպքում, ըստ Վրաստանի սահմանադրության, ես ինքնաբերաբար կզրկվեմ Վրաստանի քաղաքացիությունից: Եթե այդ առաջարկությունն ընդունեի, ապա պետք է երկար ժամանակով թողնեի Վրաստանը», ասել է նա «Ռուսթավի-2» հեռուստաալիքին տված հարցազրույցում:
Սաակաշվիլու խոսքերով, «ամեն ոք իր առաքելությունն ունի կյանքում»: «Մենք դեռ անելիքներ ունենք Վրաստանում», ասել է նա:
«Ունիան» գործակալությունը մեջբերում է Սաակաշվիլու այն հայտարարությունը, թե Վրաստանի պաշտպանության նախկին նախարար Ալեքսանդր Քվիտաշվիլին առաջարկություն է ստացել զբաղեցնելու Ուկրաինայի առողջապահության նախարարի պաշտոնը:
