Սիրիական ընդդիմության լոնդոնյան Syrian Observatory for Human Rights կազմակերպությունը հաղորդում է, որ «Իսլամական պետության» ահաբեկչական խմբավորման գրոհայինները մտադիր են օգտագործել սիրիական եւ իրաքյան բանակներից իրենց խլած օդանավերն ու ուղղաթիռները: Կազմակերպության տվյալներով, գրոհայիններն ունեն առնվազն երեք «Միգ-21» ռազմօդանավ: Օդաչուների ուսուցումն իրականացվում է Հալեպի շրջակայքում: Որպես հրահանգիչներ հանդես են գալիս իրաքցի դասալիք օդաչուները: Օգտագործվում է Հալեպի մերձակա «Ջարահ» ավիաբազան:
Կազմակերպության տնօրեն Ռամ Աբդուլ-Ռահմանը հայտարարել է, որ ահաբեկիչներին մարզող օդաչուները իրաքյան բանակում ծառայել են Սադդամ Հուսեյնի օրոք:
ԱՄՆ-ի ներկայացուցիչները կասկածում են, թե ջիհադիստների օդուժը կկարողանա ազդել ռազմական գործողությունների ընթացքի վրա: Ջիհադիստների ձեռքն անցած ռազմօդանավերն ու ուղղաթիռները վաղուց հնացած են, իսկ պահեստամասերի պակասը էլ ավելի կդժվարացնի անհրաժեշտ տեխնիկական մակարդակի ապահովումը:
