2014 թ. սեպտեմբերի 11-ին Հունաստանի խորհրդարանը ընդունեց մի օրինագիծ, որը քրեականացնում է երկրում ճանաչված բոլոր հակամարդկային ոճիրների, ներառյալ Հայոց ցեղասպանության ժխտումը:
Քաղաքակրթության եւ ժողովրդավարության օրրան Հունաստանը օսմանյան լծի տակ է եղել մինչեւ 1830 թ. իր անկախացումը: Հույները, ինչպես եւ մյուս քրիստոնյա ազգերը, Օսմանյան կայսրությունում ենթարկվել են հալածանքների, իսկ Պոնտոսի հույները 1916-ից ցեղասպանության զոհ են դարձել: Փարիզից «Նեմեսիս»-ի ուղարկած հաղորդագրության մեջ մաղթանք է արտահայվտում, որ ֆրանսիացի խորհրդարանականները հույն պատգամավորների չափ քաջություն ունենան եւ իրենց հերթին ընդունեն Հայոց ցեղասպանության ուրացումը քրեականացնող օրենք: Մինչ Թուրքիան համառորեն ժխտում է Ցեղասպանությունը եւ դասագրքերում խեղաթյուրում պատմությունը, հարկավոր է, որ մարդու իրավունքների հայրենիք Ֆրանսիան լսելի դարձնի արդարության ձայնը:
