Իրաքի կառավարությունը ՄԱԿ-ին հայտնել է, որ «Իսլամական պետության» ջիհադիստական ջոկատները գրավել են խոշոր ռազմակայան, որը Սադդամ Հուսեյնի օրոք օգտագործվել էր որպես քիմիական զենքի պահեստարան:
Իշխանությունները պնդում են, որ Սամառայից հարավ ընկած «Մութխաննա» ռազմակայանում զանգվածային բնաջնջման զենք չկա. կա միայն 250 ապաակտիվացված հրթիռ, որոնց վրա ժամանակին եղել են զարինի մարտագլխիկներ, ինչպես նաեւ ուրիշ, փաստորեն անվտանգ թունանյութեր:
