Վերջերս ռուսական «Կուլտուրա» ալիքով ցուցադրվեց Արմեն Պետրոսյանի «Առեղծվածի հետքերով» ֆիլմաշարի հերթական ֆիլմը` նվիրված մարդկության պատմության առեղծվածների նաեւ հայկական հետքին: Այս անգամ ֆիլմում պատմվում է 1939 թվականին Էջմիածնի կաթողիկոսարանից ձեռագրերը Երեւան տեղափոխելու ընթացքում գտնված միջնադարյան հայկական մի ձեռագիր քարտեզի մասին, որտեղ պատկերված են եղել Մարս մոլորակը, Մարսի մակերեւույթի ընդհանուր պատկերը եւ Մարսի շուրջը մի շրջագիծ` նրա արբանյակ Ֆոբոսի նշագրումով: Ձեռագիրը ժամանակավորապես, մասնագետին ցույց տալու համար, վերցրել է մոսկվացի երիտասարդ պատմաբան Վիկտոր Հարությունյանը: Մինչեւ այժմ հայտնի չէ, թե որտե՞ղ է ձեռագիրը, որի վրա լատինատառ տեքստ է եղել եւ որը Մարսի արբանյակները հայտնաբերելուց, Մարսը դիտակով ուսումնասիրելուց դարեր առաջ Մարսի մակերեւույթի եւ Ֆոբոսի մասին է տեղեկացրել, եւ որի սկզբնաղբյուր եգիպտական տեքստերը այժմ գոյություն չունեն: Ֆիլմի մասին առավել մանրամասն «Ազգն» առաջիկայում կպատմի:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՄԱՐՍԻ ՄԱԿԵՐԵՎՈՒՅԹԻ ՔԱՐՏԵԶԸ` ՀԱՅԿԱԿԱՆ ՄԻՋՆԱԴԱՐՅԱՆ ՁԵՌԱԳՐՈՒՄ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական