Ինչպես գիտեք` այս նեղ պահին, երբ Հայաստանը բազմաթիվ խնդիրներ ունի լուծելու, մեր երկրում նախաձեռնվել է բարեփոխել սահմանադրությունը: Ու չնայած այս պահին այդպիսի խնդիր դնելու հետ քաղաքական ուժերի մի մասը համաձայն չէ, մերոնք լրջորեն նախապատրաստվում են սահմանադրական փոփոխությունների նոր հայեցակարգի ձեւավորմանը, որով պետք է վճռվի` մեզ մոտ ո՞ր մոդելով է պետություն կառուցվելու` խորհրդարանական, թե՞ կիսանախագահական: Երեկ եւ այսօր Երեւանում անցկացվում են քննարկումներ` սահմանադրական բարեփոխումների հայեցակարգի վերաբերյալ: Դրանք կազմակերպել է Հայաստան նախագահին առընթեր սահմանադրական բարեփոխումների հանձնաժողովը` ԵԱՀԿ երեւանյան գրասենյակի եւ Գերմանական միջազգային համագործակցության ընկերակցության աջակցությամբ: Չենք խորանա քննարկումներում, քանի որ այդ բանը կարելի է անել այն ժամանակ, երբ ինչ -որ հայեցակարգ ձեւավորվի: Մանավանդ` մենք այնքան էլ եվրոպացի կազմակերպիչների նման չենք կարծում, որ ամեն ինչ, եւ հատկապես ընտրությունները մեր երկրում սահմանադրությունից են կախված: Ինչ մոդել ուզում է լինի` մենք դեռ հեռու ենք սահմանդրորեն ապրելուց, ընտրելուց եւ ընտրվելուց:
Վերջին լուրեր
Վրաստանում նախագահ կընտրեն դեկտեմբերի 14-ին
Վրաստանի խորհրդարանը հաստատել է նախագահական ընտրությունների անցկացման օրը։ Ընտրությունները կկայանան դեկտեմբերի 14-ին, իսկ երդմնակալությունը՝ դեկտեմբերի 29-ին։ Վրաստանի նախագահը կընտրվի ընտրական...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական