Երեկ Մոսկվայում գումարված ՀԱՊԿ ոչ պաշտոնական վեհաժողովին մասնակցել է նաեւ Հայաստանի նախագահ Սերժ Սարգսյանն ու ելույթ ունեցել: Փոխանցում ենք նրա ելույթի մի շարք հետաքրքրական մանրամասներ` ըստ նախագահականի տարածած հաղորդագրության: Սերժ Սարգսյանը շեշտադրել է, որ ՀԱՊԿ պետությունների համար կարեւորագույն հարցերում Հայաստանն առաջնորդվում է դիրքորոշումների համադրման սկզբունքային անհրաժեշտությամբ: Նա շեշտել է, որ այս մոտեցումը Հայաստանի դիրքորոշման հիմքում եղել է նաեւ 2008 թվականի օգոստոսյան դեպքերից հետո ամենատարբեր կազմակերպություններում քվեարկության ժամանակ.« Եվ մենք հստակ պատկերացնում էինք, որ մի կողմից խոսքը մեր դաշնակցային հարաբերությունների, իսկ մյուս կողմիցՙ մեր հարեւան երկրի մասին է, որտեղ մենք մի քանի հարյուր հազարանոց մեծ համայնք ունենք, երկիր, որի տարածքով իրականացվում է Հայաստան ամբողջ մատակարարումների մոտավորապես 75 տոկոսը: Այդպես է եղել եւ՛ ՄԱԿ-ում, եւ՛ Եվրոպայի խորհրդում ուկրաինական ճգնաժամի հարցով քվեարկության ժամանակ: Ես կարծում եմ, որ մենք պետք է խստորեն պայմանավորվենք մեր արտաքին քաղաքականությանը վերաբերող գործողությունների համակարգման հետ կապված»:
Վերջին լուրեր
Համընդհանուր հայտարարագիրը հարկային դաշտ կբերի միայն նրանց, որոնք օրենքով պարտավոր էին հարկ վճարել, բայց չեն վճարել. Փաշինյան
Որևէ պարագայում սոցիալապես խոցելի խավի համար չի կարող համընդհանուր հայտարարագրման համակարգը լրացուցիչ որևէ հարկային կամ ֆինանսական բեռ ավելացնել, այսօր կայացած...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական