ԹԵՔԵՅԱՆ ՀԻՄՆԱԴՐԱՄ
Սույնով հայտարարությամբ ցանկանում ենք տեղեկացնել, որ «Թեքեյան Կենտրոն» հիմնադրամը կազմակերպում է Թեքեյանական 4-րդ օլիմպիադա եւ նրա շրջանակներում անցկացվող «Մաթեմատիկա», «Հայոց լեզու եւ գրականություն» եւ «Անգլերեն լեզու» առարկաների մրցույթ:
Միջոցառման նպատակն է` խթանել եւ խրախուսել հայոց եւ օտար լեզուների, հայ գրականության, ինչպես նաեւ բնագիտական առարկաների իմացությունը, հնարավորություն տալ աշակերտներին դրսեւորել իրենց գիտելիքները, ինչպես նաեւ ծանոթանալ տարբեր մարզերում բնակվող հասակակիցների հետ:
Օլիմպիադային մասնակցում է Երեւանի, Գյումրիի, Ստեփանավանի, Կարբիի եւ Բերձորի` Վ. Թեքեյանի անվան դպրոցների 8-9-րդ դասարանի թվով 70 աշակերտ:
«Թեքեյան Կենտրոն» հիմնադրամը սիրով հրավիրում է մասնակցելու Թեքեյանական 4-րդ օլիմպիադայի հաղթողների մրցանակաբաշխության արարողությանը, որը տեղի կունենա ապրիլի 5-ին` ժամը 15:30-ին Թեքեյան Կենտրոնում /Խանջյան 50/:
