Երեկ առավոտյան կառավարության նիստին վարչապետ Տիգրան Սարգսյանը կարծես թե հրաժարական ներկայացնելու տրամադրվածություն չուներ, չնայած ԶԼՄ-ները ողջ օրը խոսում էին նրա հրաժարականից ու անգամ սեփական նախընտրությունների հանգույն` վարչապետացուների մասին կանխատեսումներ անում: Իսկ ահա երեկոյան ՀՀԿ գործադիր մարմնի նիստին Տ. Սարգսյանը հրաժարական ներկայացրեց, որը ՀՀԿ ղեկավարությունն ընդունեց: Այդ մասին նիստից հետո լրագրողներին հայտնեց ՀՀԿ մամուլի խոսնակ Էդուարդ Շարմազանովը, ով նշեց, թե մեկ ամիս առաջ էր վարչապետը նախագահ Սարգսյանին իր հրաժարականի մասին մտադրություն հայտնել, սակայն նախագահը, նկատի ունենալով պարտադիր կենսաթոշակային համակարգի ներդրման եւ այլ պարագաներ` խնդրել էր նրան դեռեոս պաշտոնավարել: Երեւում է` ՍԴ որոշումը վերջին շտրիխն էր` դրված վարչապետին հրաժարեցնելու ողջ գործընթացի վրա: Տ. Սարգսյանը նոր կառավարությանը մաղթել է արդյունավետ եւ հայրենանվեր աշխատանք:
Իսկ նոր վարչապետի վերաբերյալ կանխատեսումները բավական մեծ ծիր ունեն` սկսած Ռոբերտ Քոչարյանից, վերջացրած Ռալֆ Յիրիկյանով…
