Ուկրաինայի խորհրդարանի «Սվոբոդա» խմբակցության ղեկավար Օլեգ Տյագնիբոկը երեկ Գերագույն Ռադայում անցկացված խորհրդարանական լսումների ժամանակ կոչ է արել ուկրաինական իշխանություններին հետ կանչել Հայաստանից եւ Ղազախստանից իրենց դեսպաններին եւ հրավիրել արտաքին գերատեսչություն` պարզաբանումներ տալու: Տյագնիբոկն իր այս կոչը պայմանավորել է նրանով, որ ի թիվս մի շարք այլ երկրների, Հայաստանը եւս ընդունում է Ղրիմի հանրաքվեի արդյունքները: Թե հատկապես Հայաստանի ո՞ր պաշտոնական դիրքորոշմանն է հղում արել Տյագնիբոկը` ուկրաինական աղբյուրները չեն նշում: Եթե Տյագնիբոկը նկատի ունի Սարգսյան-Պուտին հեռախոսազրույցը, որը տեղի է ունեցել մարտի 19-ին, ապա այդ զրույցի վերաբերյալ ոչ կրեմլյան, ոչ էլ Հայաստանի նախագահի կայքում տեղադրված հաղորդագրությունների մեջ որոշակիացված ձեւակերպումներ չկան, թե ինչ է ասել Հայաստանի նախագահը Ղրիմի հանրաքվեի մասին:Հետաքրքական է, որ երեկ լրագրողներին հանդիպած Հայաստանում Ուկրաինայի դեսպան Իվան Կուխտան, անդրադառնալով այդ հեռախոսազրույցին եւ հավանաբար լավ տեղյակ լինելով նրա բովանդակությունից, նշել էր, թե ամեն պետություն իր դիրքորոշումն հայտնելու իրավունք ունի:
Վերջին լուրեր
Վթարված ավտոմեքենան Փաշինյանի ավտոշարասյունից չի եղել. ՆԳՆ
Հունիսի 8-ին' ժամը 19:10-ին, ՆԳ նախարարության ոստիկանություն վթարի վերաբերյալ ահազանգ է ստացվել։ Պարզվել է, որ Արարատի մարզի Արմաշ գյուղում պարեկային...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական