Ինչպես հաղորդում է «Новости культуры»-ն, մոսկովյան «Նիկա» մրցանակաբաշխությունը հայտարարվել է բոլոր անվանակարգերում առաջադրված ֆիլմերի, դերասանների, դերասանուհիների եւ այլոց անունները:
Ռուսաստանի ամենահին մրցանակաբաշխություններից մեկը, որը տեղի է ունենում ամեն տարի սկսած 1987թ, այս տարի տեղի կունենա ապրիլի 1-ին:
Տարիների ընթացքում մրցանակային տեղերի հետ կապված տարբեր փոփոխություններ են տեղի ունեցել, սակայն անփոփոխ է մնացել մրցույթի սկզբունքը` մրցույթին միայն լավագույնները:
Այս տարի մրցույթին ամենաշատն առաջադրվել է Ալեքսանդրա Վելեդինսկոյի «Географ глобус пропил» ֆիլմը: Այն ներկայացված է հետեւյալ անվանակարգերում` որպես լավագույն խաղարկային ֆիլմ, ինքը` Ալեքսանդրա Վելեդինսկին` որպես լավագույն ռեժիսոր, իսկ ֆիլմի գլխավոր դերակատարը` Ելենա Լյադովան` լավագույն կին դերակատար, Կոնստանտին Խաբենսկին` լավագույն տղամարդ դերակատար: «Географ глобус пропил» ֆիլմը ներկայացված է նաեւ` որպես լավագույն սցենարական աշխատանք, լավագույն տղամարդու երկրորդ պլանի դերակատար, տարվա հայտնություն եւ ֆիլմի լավագույն երաժշտություն: Վերջին անվանակարգում առաջադրված են նաեւ Ալեքսեյ Այգի «Հայելի» եւ Անդրեյ Սիգլեյի «Դեր» ֆիլմերի համար գրված երաժշտությունները:
Լավագույն ֆիլմեր կարող են հռչակվել Ալեքսանդր Վելեդինսկու, Ժորա Կրիժովնիկի, Բորիս Խլեբնիկովի, Անտոն Մեգերդինչեւի, Ֆյոդոր Բոնդարչուկի աշխատանքները:
Ռեժիսորական մրցանակի են հավակնում Բոնդարչուկը, Յուրի Բիկովը, Վելեդինսկին ու Խլեբնիկովը:
Ընդհանուր առմամբ, ակադեմիայում քննվել են 42 խաղարկային, 17 անիմացիոն եւ 29 ոչ խաղարկային ժապավեններ:
«Հանուն պատվի ու արժանապատվության» մրցանակ է շնորհվել Վլադիմիր Զելդինին կինոկրթության ոլորտում Գերասիմովի անվան կինեմատոգրաֆի պետական համառուսական համալսարանում (ՎԳԻԿ) ներդրած ավանդի համար: Իսկ մրցանակաբաշխության խորհրդի հատուկ մրցանակը բաժին է ընկել Վալերիա Տոդորովսկուն:
Իսկ «ԱՊՀ եւ Բալթյան երկրների լավագույն ֆիլմ» անվանակարգում ներկայացված են ֆիլմեր Ուկրաինայից, Լատվիայից, Ղազախստանց եւ Ղրղզստանից:
