Մարտի 6-ին Ղրիմի խորհրդարանը ընդունեց որոշում ինքնավար մարզը որպես ՌԴ սուբյեկտ Ռուսաստանի կազմի մեջ մտցնելու մասին: ՌԻԱ գործակալությունը հաղորդում է, որ խորհրդարանը ՌԴ Պետդումային առաջարկել է սկսել Ղրիմը Ռուսաստանի Դաշնության մեջ մտցնելու արարողակարգ:
Թերակղզու իշխանությունները նաեւ պատրաստ են մարզի տարածքում շրջանառության մեջ դնել ռուսական ռուբլին: Այդ մասին մարտի 6-ին հայտարարել է Ղրիմի առաջին փոխվարչապետ Ռուստամ Թեմիրգալիեւը: Մարզի խորհրդարանը նաեւ որոշել է մարտի 30-ին նախատեսված կարգավիճակի հանրաքվեն անցկացնել ավելի վաղՙ մարտի 16-ին: Հանրաքվեի օրը ղրիմցիները պետք է որոշենՙ մարզը թողնել Ուկրաինայի կազմում, թե՞ միացնել ՌԴ¬ին: BBC-ն հավելում է, որ երկրորդ հարցը վերաբերում է Ղրիմի 1992 թ. սահմանադրության վերականգնմանը: Եվրոմիությունը իր հերթին որոշել է պատժամիջոցներ կիրառել Ուկրաինայի տապալված նախագահ Վիկտոր Յանուկովիչի եւ 17 այլ անձանց նկատմամբ։
