Հայաստանը պաշտոնապես հաստատել է իր մասնակցությունը «Եվրոտեսիլ-2014» երգի միջազգային մրցույթին եւ Ամանորի գիշերը Առաջին ալիքի տոնական եթերի ժամանակ, հայտնի կդառնա, թե այս տարի ով կներկայացնի Հայաստանը մրցույթին:
«Եվրատեսիլ-2014» երգի համաեվրոպական մրցույթը կանցկացվի Կոպենհագենի B&W Hallerne համերգասրահում: Այդ օրերին համերգասրահը կից տարածքի հետ կփոխակերպվի Եվրոտեսիլյան կղզու, որտեղ կհյուրընկալվեն մրցույթի մասնակիցները, լրագրողները եւ երկրպագուները: 2014 թվականի մրցույթը կկրի «Join Us» (Միացիր մեզ) խորագիրը կոչ անելով բոլոր երկրպագուներին միանալ եվրոպական սիրված մրցույթին, իսկ մրցույթի խորհրդանիշն ադամանդն է:
Մրցույթի կիսաեզրափակիչ փուլերը կկայանա մայիսի 6-ին եւ 8-ին, իսկ եզրափակիչը` մայիսի 10-ին:
Նշենք, որ Կոպենհագենը նախկինում 2 անգամ հյուրընկալել է Եվրոտեսիլը 1964 եւ 2001 թվականներին, իսկ 2005-ին այստեղ անց են կացվել մրցույթի 50-ամյակին նվիրված տոնակատարությունները:
