Արաբական Միացյալ Էմիրություններում մեկնարկած շախմատի մրցաշարի 99 մասնակիցների թվում են Հայաստանը ներկայացնող 7 շախմատիստներ: Կայացած 4 տուրից հետո հայ շախմատիստներից լավագույն արդյունքն ունեն Հովիկ Հայրապետյանն ու Ռոբերտ Հովհաննիսյանը, որոնք վաստակել են 3-ական միավոր: Ռոբերտը մեկնարկում 3 անընդմեջ հաղթանակ տոնեց Միտրա Հեյազիպուրի, Աբդելռահման Հեշամի եւ Բահրուզ Ռզաեւի նկատմամբ, իսկ 4-րդ տուրում պարտվեց Բաադուր Ջոբավային: Հենց վերջինս էլ 4 միավորով գլխավորում է աղյուսակը:
Հայրապետյանը հաղթել է Ռամեզ Սամեդրիին եւ Իրինա Չելյուսկինային, ոչ-ոքի է խաղացել Զիրվա Սաֆարովի ու Վիորել Յորդաչեսկու հետ:
Արման Փաշիկյանն ու Լեւոն Բաբուջյանը վաստակել են 2,5-ական միավոր, Վահե Բաղդասարյանն ու Տիգրան Ս. Պետրոսյանն ունեն 2-ական միավոր, Մարկ Բասենչյանըՙ 0,5 միավոր:
