«Արմենպրես»
Լոնդոնում երկարատեւ հիվանդությունից հետո կյանքի 82-րդ տարում վախճանվել Է կինոդերասան Փիթեր Օ՛Թուլը, որը հայտնի Է դարձել 1962 թվականին Լոուրենս Արաբացու դերով համանուն ֆիլմում:
Դերասանը նաեւ լայն ճանաչում Է ստացել Ուիլյամ Շեքսպիրի ստեղծագործությունների թատերական բեմադրություններում: 1970-ական թվականներին նա տառապում Էր ալկոհոլամոլությունից, սակայն թողել Է խմելն այն բանից հետո, երբ նրա մոտ պանկրեատիտ են ախտորոշել:
Իռլանդիայի նախագահ Մայքլ Հիգինսն ասել Է, որ Իռլանդիան եւ աշխարհը զրկվել են կինոյի եւ թատրոնի պատմության մեջ մեծագույն դեմքերից մեկից: Օ՛Թուլն «Օսկար» մրցանակի Է ներկայացվել ընդհանուր առմամբ ութ անգամ, բայց այդպես Էլ ոչ մի անգամ չի արժանացել այդ պատվին: 2003 թվականին Ամերիկյան կինոակադեմիան նրան «Օսկար» Է հանձնել համաշխարհային կինոարվեստի հանդեպ ունեցած վաստակի համար. պարգեւ, որը Փիթեր Օ՛Թուլն ավելի վաղ հրաժարվել Է ընդունել:
Մեծ Բրիտանիայի վարչապետ Դեւիդ Քեմերոնը ցավակցություն Է հայտնել լեգենդար դերասանի ընտանիքինՙ հատկապես նշելով նրա աշխատանքը Լոուրենս Արաբացու դերում: 1962 թվականին համանուն ֆիլմում հենց այս դերն Է հռչակ բերել Փիթեր Օ՛Թուլին, սակայն նա խաղացել Է նշանավոր տասնյակ ֆիլմերում, որոնց թվում ենՙ «Ինչպես գողանալ միլիոն» (1966), «Առյուծը ձմռանը» (1968), «Կալիգուլա» (1979), «Վերջին կայսրը» (1987), «Տրոյա» (2004) եւ ուրիշներ:
