Դեկտեմբերի 21-ից մինչեւ տարեվերջ Երեւանում գյուղմթերքների տոնավաճառներ կկազմակերպվեն ամեն օր: Այդ մասին դեկտեմբերի 13-ին հրավիրված ասուլիսում նշեց ՀՀ գյուղատնտեսության փոխնախարար Ռոբերտ Մակարյանը: «Այսօրվա դրությամբ կազմակերպվել է 52 տոնավաճառ Կենտրոն վարչական շրջանում եւ 35-ը Արաբկիր վարչական շրջանում: Դեկտեմբերի 21-ից մինչեւ տարեվերջ տոնավաճառները կազմակերպվելու են ամեն օր, որպեսզի մեր քաղաքի ազգաբնակչու թյունը հնարավորություն ունենա նախատոնական առեւտուր կատարել»,- «Արմենպրես»-ի հաղորդմամբՙ ասաց Մակարյանը: Տաղավարները, կշեռքները եւ այլ պարագաներ գյուղացիներին տրամադրվում են անվճար: Վերավաճառողների մուտքն արգելվում է:
«Բազմիցս վերավաճառողները փորձում են տարբեր միջոցներով խցկվել այդ տոնավաճառներ, բայց կարող եմ հավաստիացնել, որ արգելվում է նրանց մուտքը տոնավաճառներ»,- ասաց Մակարյանը եւ նշեց, որ արդեն շուրջ 9 հազար գյուղացիական տնտեսություն է մասնակցել տոնավաճառներին:
