Դեկտեմբերի 17-18-ին Մատենադարանում տեղի կունենա «Հիշողության կերպարանքները: Ձեռագիր եւ տպագիր ժառանգության պահպանման ու վերականգման նորագույն տեխնոլոգիաները» III միջազգային գիտագործնական սեմինարը: Նշված ծրագրերի շրջանակներում նախատեսվում են դասախոսություններ, զեկուցումներ եւ վարպետության դասեր, որոնք վարելու են ԱՊՀ, բալթյան եւ եվրոպական այլ երկրների թանգարանային, գրադարանային, արխիվային առաջատար հաստատությունների, վերականգնողական կենտրոնների հեղինակավոր մասնագետներ: Արծարծվելու են ձեռագիր եւ տպագիր ժառանգության պահպանման հիմնական ոլորտների (վերականգնում, ֆոնդային աշխատանքներ, բարձր տեխնոլոգիաների կիրառում) արդի խնդիրները եւ դրանց լուծման եղանակները:
Սեմինարն անցկացվում է մշակույթի եւ կրթության եւ գիտության նախարարությունների աջակցությամբ:
