Օրերս չինական առաջին լուսնագնացի հաջող արձակումից հետո չին փորձագետները խոսում են տիեզերական նոր ծրագրերի մասին: ՉԺՀ Ազգային տիեզերական վարչությանն առընթեր Լուսնի հետազոտման կենտրոնում Սինհուա գործակալության թղթակցին ասել են, որ նախատեսվում է մինչեւ 2050 թվականը Լուսնի վրա ստեղծել հրթիռակայան:
Այնտեղից մարտական հրթիռներ եւ հետազոտական անօդաչու եւ օդաչուավոր տիեզերանավեր կարձակվեն հեռավոր եւ մերձավոր տիեզերքի յուրացման նպատակով: Այնտեղ կանցկացվեն նաեւ նոր զինատեսակների փորձարկումներ:
Ներկայումս Չինաստանը տարբեր երկրների հետ բանակցություններ է վարում Լուսնի վրա չինական բանակի ստորաբաժանումների տեղաբաշխման հնարավորության շուրջը: Անշուշտ, մինչեւ վերջնական որոշման ընդունումը դեռ պետք է անցկացվեն շատ հետազոտություններ եւ ստացվեն բազմաթիվ թույլտվություններ:
