Երեւանում անցկացվեց Մալաթիա-Սեբաստիա համայնքի նախկին թաղապետ Վահան Զատիկյանի ազատ ոճի ըմբշամարտի 14-րդ երիտասարդական հուշամրցաշարը: Հաղթողի կոչումը վիճարկեցին Հայաստանի, Արցախի, Ռուսաստանի եւ Վրաստանի շուրջ 150 ըմբիշներ:
Համառ գոտեմարտերից հետո ըստ քաշային կարգերի ուժեղագույններ ճանաչվեցին Հայկ Բադալյանը (50 կգ, Հայաստան), Ջաբրաիլ Գարիբեկովը (55 կգ, Ռուսաստան), Ալվի Բեգինը (60 կգ, Ռուսաստան), Արեն Ալեքյանը (66 կգ, Հայաստան), Լեւան Մուրադիանաշվիլին (74 կգ, Վրաստան), Լաբեր Գրիգորյանը (84 կգ, Հայաստան), Ռազմիկ Պողոսյանը (96 կգ, Հայաստան) եւ Կոնստանտին Գաբաշվիլին (120 կգ, Վրաստան):
Ըստ ազատ ոճի Հայաստանի երիտասարդական հավաքականի գլխավոր մարզիչ Ավետիք Վարդանյանի, այս մրցաշարում լավագույն արդյունքների հասած մի քանի ըմբիշներ կհամալրեն հավաքականի կազմը, որը շուտով Ծաղկաձորում տարեվերջյան հավաքն է անցկացնելու:
