Աֆրիկայի մասին ֆիլմ նկարահանելու ցանկություն Բեն Աֆլեկը դեռ 3 տարի առաջ է ունեցել, սակայն Warner կինոստուդիան միջոցներ նրան տրամադրեց միայն հիմա, ռեժիսորիՙ «Արգո» ֆիլմիՙ ամերիկյան կինոակադեմիայի կողմից այս տարվա լավագույն ֆիլմ հռչակելուց հետո:
«Կոնգոյի մասին միշտ եմ ուզեցել ֆիլմ նկարահանել,- ասել է ռեժիսորը,- բայց Հոլիվուդի իմ կոլեգաները այն կարծիքի էին, թե դա հետաքրքրական թեմա չէ»: Հիմա քանի որ իրավիճակը փոխվել է եւ նրան չեն մերժի ֆինանսներ տրամադրել որեւէ ֆիլմի համար, ռեժիսորը օգտվել է առիթիցՙ իրականացնելու տարիների ցանկությունըՙ ստեղծել ֆիլմ աֆրիկյան այս երկրի եւ այնտեղ ապրող մարդկանց մասին: Ֆիլմի սցենարը գրում է Ուիլլ Սթեյպլզը: Գործողությունները ծավալվելու են Աֆրիկայում: Վարձկան մարդասպանների խումբը առաջադրանք է ստանում սպանել սեփական ժողովրդին կեղեքող դիկտատորին: Ֆիլմը առավել հետաքրքրական եւ սուր կդարձնեն խորհրդածությունները ոչ միարժեքորեն ընկալվող բարոյականության, եւ այն մասին, թե բարեգործությունը եւ օտար պետությունների աջակցությունը ինչպիսի ազդեցություն ունեն ժամանակակից նեոգաղութատիրության վրա:
Բեն Աֆլեկը Eastern Gongo Initiative ֆոնդի հիմնադիրն է, նա ձեւավորել է դա Կոնգոյի Դեմոկրատական Հանրապետություն իր կատարած 5 այցերից հետո: Բացի ֆիլմի ռեժիսորական աշխատանքից Բեն Աֆլեկը մտադիր է նաեւ հանդես գալ դերերից մեկում:
