Հակառակ տնտեսական սուր ճգնաժամին, որը մոլեգնում է ոչ միայն Ֆրանսիայում, հայկական համայնքները մեծ պատրաստակամությամբ արձագանքեցին ֆրանսահայ հայտնի ֆիլմարտադրող Ռոբերտ Կետիկյանի եւ դերասանուհի Արիան Ասկարիսի կոչինՙ առատաձեռն մասնակցություն բերելու «Հայաստան» հիմնադրամի դրամահավաքին, Փարիզից հաղորդում է լրագրող Ժան Էսքիյանը: Մարդասիրական ու հայրենասիրական ձեռնարկը կազմակերպվել էր Հիմնադրամի Ֆրանսիայի մասնաճյուղի կողմից եւ կոչվում է «ֆոնեթոն»: Ընդամենը 4 օրում հեռախոսազանգերով հաջողվեց հանգանակել 1 միլիոն 460 հազար եվրո, որը նախորդՙ 2012 տարվա համեմատությամբ ավելացել է 4 տոկոսով: Այդ գումարը «Հայաստան» համահայկական հիմնադրամի միջոցով տրամադրվելու է Արցախի ու Հայաստանի Հանրապետության տարբեր ծրագրերին եւ Սիրիայում հայկական դպրոցների վերանորոգմանը:
Նկար 1. Արիան Ասկերիսը եւ Ռոբերտ Կետիկյանը
