Դամասկոսի հայոց թեմի հոգեւոր առաջնորդ Արմաշ եպս. Նալբանդյանիՙ «Ազգին» հղած հաղորդագրությունը խոր ցավով տեղեկացնում է, որ նոյեմբերի 11-ին, ժամը 13:30-ին, հրթիռ է ընկել տեղի Թարգմանչաց վարժարանի առջեւ, հենց այն պահին, երբ աշակերտները տուն վերադարձի համար ավտոբուս էին բարձրանում: Զոհվել են 4 աշակերտ եւ վարորդներից մեկը. առաջին դասարանցիներ Հովհաննես Աթոքանյանը, Մունիր Մահհումը, Մաժտ Շահադեն, 2-րդ դասարանցի Վինիսիա Միխոն եւ վարորդըՙ Ռուֆիդ Խուրին, վիրավորվել են 8 երեխաներ, որոնք իսկույն տեղափոխվել են հիվանդանոց: Բարեբախտաբար նրանց վիճակը կայուն է: Հայոց առաջնորդարանը մեկօրյա սուգ է հայտարարել դամասկահայության շրջանում, մինչ Թարգմանչացը փակ է մնալու 3 օր:
Երեկ Թարգմանչաց վարժարան ցավակցական այց է կատարել Սիրիայի Սիրիայի ներքին գործերի նախարարը:
