Քաշային 2 կարգերում աշխարհի նախկին չեմպիոն Վախթանգ Դարչինյանին չհաջողվեց ռեւանշի հասնել ֆիլիպինցի Նոնիտո Դոների հետ ԱՄՆ-ի Կորպուս-Քրիստի քաղաքում անցկացրած մենամարտում: 10-ռաունդանոց մենամարտում մինչեւ 9-րդ ռաունդը գրեթե հավասար պայքար էր ընթանում: Սակայն 9-րդ ռաունդում Դոները ծանր նոկդաունի ենթարկեց Դարչինյանին, որն այդպես էլ չկարողացավ սթափվել հուժկու հարվածներից: Դոների մի քանի գրոհներից հետո մրցավարը որոշեց դադարեցնել մենամարտն ու տեխնիկական նոկաուտով հաղթանակ արձանագրեց Դոների հաշվին:
Այսպիսով, 37-ամյա Դարչինյանը պրոֆեսիոնալ բռնցքամարտիկի իր կարիերայում 2-րդ անգամ Դոներից նոկաուտի ենթարկվեց: 2007-ին նա նման իրավիճակում հայտնվել էր 5-րդ ռաունդում: Դարչինյանը 6-րդ պարտությունը կրեց: Նա շահել է 39 մենամարտ, մեկն ավարտել է ոչ-ոքի: Նոնիտո Դոները 34 մենամարտերում 32-րդ հաղթանակը տոնեց:
