Ալ. Սպենդիարյանի անվան օպերայի եւ բալետի ազգային ակադեմիական թատրոնում նոյեմբերի 14-ին տեղի կունենա հոբելյանական երեկո` նվիրված ՀՀ ժողովրդական արտիստ, Երեւանի պատվավոր քաղաքացի, Կոմիտասի անվան պետական կոնսերվատորիայի սիմֆոնիկ նվագախմբի վետերան, տաղանդավոր կոմպոզիտոր Մարտին Վարդազարյանի ծննդյան 75-ամյակին:
Երեկոյի ընթացքում կհնչեն հեղինակի կամերային-սիմֆոնիկ, ինչպես նաեւ էստրադային եւ ջազային ստեղծագործությունները: Հանդես կգան Հանրային ռադիոյի եւ հեռուստատեսության էստրադային-սիմֆոնիկ նվագախումբը (գեղարվեստական ղեկավար Երվանդ Երզնկյան), Հայաստանի պետական երիտասարդական նվագախումբը (գեղարվեստական ղեկավար Ս. Սմբատյան), Երեւանի պետական կամերային երգչախումբը (գեղարվեստական ղեկավար Հ. Թոփիկյան), Երեւանի պարարվեստի պետական քոլեջի սաները, ինչպես նաեւ մենակատարներ Ռաիսա Մկրտչյանը, Արուս Աճեմյանը, Արտաշես Գրիգորյանը, Աննա Վարդազարյանը, Լուսինե Կչոզյանը, Արթուր Իսպիրյանը:
Համերգը կազմակերպել է ՀՀ մշակույթի նախարարությունը:
