ԱՆՀԱՅՏ ԿՈՐԱԾՆԵՐԻ ՀԻՇԱՏԱԿԻՆ

«Ազգ» օրաթերթը, հղում անելով Երեւանի քաղաքապետարանից ստացված հաղորդագրությանը, տեղեկատվություն էր հրապարակել «Հայ-ադրբեջանական հուշարձա՞ն» վերնագրով, ինչը կարծես թե տարակարծությունների առիթ է դարձել: Ամենայն հավանականությամբ տարակարծությունը շեշտադրումների եւ ընկալման մեջ է: Ինչեւէ, նախորդ օրը կայացած հանդիպման ընթացքում քաղաքապետ Տարոն Մարգարյանը եւ Կարմիր խաչի միջազգային կոմիտեի ղեկավար Աարա Էպրիխտն ընդամենը քննարկել են Հայաստանում Ղարաբաղյան հակամարտության հետեւանքով անհայտ կորածների հիշատակին հուշարձան տեղադրելու հարցը: