Պյատիգորսկում բնակվող եւ Ռուսաստանի դրոշի ներքո հանդես եկող հայ պրոֆեսիոնալ բռնցքամարտիկ Դավիթ Ավանեսյանը նոյեմբերի 4-ին Կրասնոդարում կմենամարտի 32-ամյա արգենտինացի Կառլոս Լեոնարդո Էրերայի հետ: Այդ մենամարտը կկայանա պրոֆեսիոնալ բռնցքամարտի երեկոյի շրջանակներում, որի գլխավոր մրցամարտը 44-ամյա ռուսաստանցի Օլեգ Մասկաեւի հանդիպումն է 40-ամյա բրիտանացի Դենի Վիլյամսի հետ:
25-ամյա Դավիթ Ավանեսյանը Էրերայի հետ մենամարտում կվիճարկի կիսամիջինքաշային կարգում WBC Baltic-ի չեմպիոնական գոտին: Դավիթը պրոֆեսիոնալ ռինգում 17 մենամարտերից 15-ը շահել է, մեկն ավարտել է ոչ-ոքի, կրել է մեկ պարտություն: Վերջին մենամարտը նա անցկացրել է օգոստոսի 30-ինՙ 8-ռաունդանոց մենամարտի 5-րդ ռաունդում հաղթելով Ֆարիզ Կազիմովին: Կառլոս Էրերան 29 մենամարտերից 24-ում հաղթել է, 5-ումՙ պարտվել:
