Ռուսական Sports.ru կայքը հրապարակել է ֆուտբոլի ՌԴ պրեմիեր լիգայում հանդես եկող ամենաբարձր վարձատրվող 90 ֆուտբոլիստների ցանկը, որոնց թվում են նաեւ Մոսկվայի «Սպարտակի» եւ ՀՀ հավաքականի խաղացողներ Յուրա Մովսիսյանն ու Արաս Օզբիլիսը: Ընդ որում, նշված է միայն տարեկան «մաքուր» աշխատավարձը հարկերը վճարելուց հետո, առանց պարգեւավճարները հաշվի առնելու:
Այդ ցուցակում Յուրա Մովսիսյանը տարեկան 2,4 մլն եվրո աշխատավարձով 25-րդ տեղում է, իսկ Օզբիլիսը 2 մլն-ով բաժանում է 34-47-րդ տեղերը: ՌԴ պրեմիեր լիգայի ամենաբարձր վարձատրվող ֆուտբոլիստը «Զենիթի» հարձակվող Հալկն էՙ 7 մլն եվրո:
