Armchess.am-ի տեղեկացմամբ, շախմատի Հայաստանի տղամարդկանց եւ կանանց հավաքականները Ծաղկաձորում մարզիչներ Արշակ Պետրոսյանի եւ Արթուր Չիբուխչյանի գլխավորությամբ սկսել են նախապատրաստվել նոյեմբերի 7-ին Վարշավայում մեկնարկող Եվրոպայի թիմային առաջնությանը:
Ինչպես հայտնի է, այս օրերին Լիլիթ Մկրտչյանն ու Էլինա Դանիելյանը «Միկայի» կազմում, իսկ Սերգեյ Մովսիսյանըՙ Սանկտ Պետերբուրգի թիմի կազմում մասնակցում են եվրոգավաթների խաղարկությանը, ուստի մի փոքր ուշ կմիանան իրեց թիմակիցներին: Հայաստանի տղամարդկանց հավաքականը Եվրոպայի առաջնությունից հետո կմասնակցի նոյեմբերի 24-ին Թուրքիայի Անթալիա քաղաքում մեկնարկելիք աշխարհի թիմային առաջնությանը:
