Բռնցքամարտի աշխարհի առաջնությունում Արամ Ավագյանը (56 կգ) եւ Արամ Ամիրխանյանը (69 կգ) 2-րդ հաղթանակները տոնեցին: Ավագյանը պարտության մատնեց Իտալիան ներկայացնող Ջահին Պարինելոյին (3-0), իսկ Ամիրխանյանը 2-1 հաշվով հաղթեց լիտվացի Էյմանտաս Ստանիոնիսին:
Առաջնությունում իր ելույթը հաղթանակով սկսեց մինչեւ 52 կգ քաշային Նարեկ Աբգարյանը, որը 3-0 հաշվով առավելության հասավ մակեդոնացի Մումին Վելիի նկատմամբ: Իսկ ահա Հովհաննես Բաչկովը (60 կգ) 1-2 հաշվով պարտվեց կորեացի Սանգմին Լեեին:
