Սիրիայի Սեյդնա քաղաքում հոկտեմբերի 14-ին տեղադրվել է Հայաստանում ձուլված Հիսուս Քրիստոսի` 39 մետր բարձրությամբ բրոնզե շքեղ արձանը: Հերուվիմների լեռան գագաթին վեր խոյացող արձանը կոչվում է «Ես եկել փրկելու աշխարհը»: Արձանը մեկ մետրով բարձր է Բրազիլիայում տեղադրված համանման քանդակից:
Հայաստանում ձուլված արձանի տեղադրման, մոնտաժման եռօրյա աշխատանքների ժամանակ պատերազմական գործողություններն այդ շրջանում դադարեցվել են: Ինչպես հաղորդում է «Արմենպրես»-ը, արձանի տեղադրման գաղափարը 5 տարի առաջ մտահղացել է գործարար Յուրի Գավրիլովը, ում աջակցել է նաեւ սիրիացի բիզնեսմեն էլ Գադման Սամիր Շաքիբը: Արձանի տեղադրումից երկու օր անց Յուրի Գավրիլովը վախճանվել էՙ հասցնելով թողնել նման գեղեցիկ գործ Սիրիային ու աշխարհին:
