Շախմատի Եվրոպայի պատանեկան առաջնությունում բավական հաջող են մեկնարկել հայ շախմատիստները: Մինչեւ 10 տարեկան տղաների մրցաշարում Արմեն Բաղդասարյանը, Հակոբ Հակոբյանն ու Ալեքս Մանուկյանը 2-րդ հաղթանակները տոնելով, 2 միավորով աղյուսակը գլխավորողների թվում են:
Մինչեւ 12 տարեկանների մրցաշարում նույնպիսի արդյունքով առաջատարների շարքում են Շանթ Սարգսյանն ու Արամ Հակոբյանը: Տիգրան Հարությունյանն ու Կարեն Հովհաննիսյանը 2-ական միավորով մինչեւ 16 տարեկանների մրցաշարի առաջատարներից են: Մինչեւ 18 տարեկանների մրցաշարում 2-ական միավոր են վաստակել Հովհաննես Գաբուզյանն ու Արման Միքայելյանը:
Աղջիկների մրցաշարում հայ շախմատիստուհիներից լավագույն արդյունքն ունի Անի Հարությունյանը, որը մինչեւ 16 տարեկանների մրցաշարում 2 միավոր է վաստակել:
