Տաշքենդում ավարտվեց շախմատի կանանց Գրան պրիի խաղարկության 3-րդ փուլը: Էլինա Դանիելյանը սպասվածից թույլ ելույթ ունեցավՙ 11 հնարավորից վաստակած 5 միավորով 12 մասնակիցների մեջ գրավելով 9-րդ տեղը: Էլինան տոնեց ընդամենը 2 հաղթանակ, 6 պարտիա ավարտեց ոչ-ոքի, կրեց 3 պարտություն:
Ավարտական տուրերում Էլինան 2 միավոր վաստակեցՙ հաղթելով Գուլիսխան Նախբաեւային, ոչ-ոքի խաղալով Օլգա Գիրյայի եւ Ցզյույ Վենցզյունի հետ:
Մրցաշարի հաղթող ճանաչվեց հնդիկ գրոսմայստեր Համպի Կոներուն, որը վաստակեց 8 միավոր: 7-ական միավոր վաստակեցին Բելա Խոթենաշվիլին եւ Կատերինա Լահնոն: 6,5-ական միավորով հաջորդ տեղերը գրավեցին Հարիկա Դրոնավալին ու Չժաո Սյուեն: Աղյուսակը 1,5 միավորով եզրափակեց Գուլիսխան Նախբաեւան:
