«Զավտրա» N 30, Ռ. Հ.
Օրերս Մոսկվայում էր հայտնի իսլամագետ շեյխ Իմրան էլ Հուսեյնը: Ծնվել է Տրինիդադում, իսլամն ուսումնասիրել է Եգիպտոսում եւ Պակիստանում, միջազգային հարաբերություններըՙ Շվեյցարիայում: 12 տարի ապրել է ԱՄՆ-ում: Ներկայումս բնակվում է Մալայզիայի մայրաքաղաք Քուալա-Լումպուրում: Ռուսական «Զավտրա» թերթում ունեցած հարցազրույցում շեյխը մասնավորապես հայտարարել է.
«Առաջիկայում մենք կտեսնենք ուղղափառության եւ իսլամի մերձեցում: Դրա հիմքում ընկած է հարձակումը Սիրիայի վրա, որը, ի տարբերություն բազմաթիվ այլ արաբական երկրների, հնագույն եւ հարգված ուղղափառ հանրություն ունի: Սիրիայի վրա հարձակումը ծրագրված էր վերջին մի քանի տարվա ընթացքում, ինչի մասին վկայում են զենքի մատակարարումները, որոնք սկսվել էին Լիբիայի վրա հարձակվելուց շատ առաջ: Եթե կոնֆլիկտը շարունակի խորանալ, ապա, իմ կարծիքով, սիրիացի քրիստոնյաները մսաղացի մեջ կհայտնվեն: Եվ դա կգրգռի այնպիսի ատելություն, այնպիսի չարություն ու թշնամանք, որ շատ ավելի ուժեղ արձագանք կգտնի, քան 100 տարի առաջ տեղի ունեցած հայերի ցեղասպանությունը: Այն ժամանակ չկար հեռուստատեսություն, աշխարհը չէր կենտրոնացել նյուսմեյքերների մատների վերջույթների վրա»:
