Հայաստանի նախագահ Սերժ Սարգսյանը երեկ Ազգային ժողով է ներկայացրել Հայաստանի անկախության 22-րդ տարեդարձի առթիվ համաներում հայտարարելու իր առաջարկությունը: Այն կքննարկվի ԱԺ պետաիրավական հանձնաժողովում եւ ապա կընդգրկվի նստաշրջանի օրակարգում: Այս հարցով լրագրողներին պարզաբանումներ տված ՀՀԿ խմբակցության ղեկավար Գալուստ Սահակյանն էլ, ՀՀԿ խմբակցության քարտուղար Հովհաննես Սահակյանն էլ չգիտեին համաներման ընդգրկման մակարդակը, սակայն նշում էին, որ դա հումանիստական ակտ է եւ դրական իմպուլսներ կհաղորդի հասարակությանը:
Ըստ որոշ տեղեկությունների` համաներումը կտարածվի նաեւ ՀԱԿ-ի ակտիվիստ եւ արդեն երկու տարի անազատության մեջ պահվող Տիգրան Առաքելյանի եւ վերջերս կալանքի ենթարկված ազատամարտիկ, պահեստազորի գնդապետ Վոլոդյա Ավետիսյանի վրա:
