Հոկտեմբերի 4-13-ը Սանկտ Պետերբուրգում կանցկացվի ռուս հանրահայտ շախմատիստ Միխայիլ Չիգորինի 20-րդ հուշամրցաշարը: Մրցումներին հայտավորված 173 շախմատիստների թվում են նաեւ Հայաստանի 6 ներկայացուցիչներՙ գրոսմայստերներ Վլադիմիր Հակոբյանը, Զավեն Անդրեասյանը, Ռոբերտ Հովհաննիսյանը, ՖԻԴԵ-ի վարպետներ Վահե Բաղդասարյանը, Տիգրան Սիմոնյանն ու Աննա Հայրապետյանը:
Վլադիմիր Հակոբյանն իր վարկանիշով (2691) 4-րդն է մասնակիցների մեջ: 42-ամյա Հակոբյանն իր վարկանիշով զիջում է միայն ռուսաստանցի Եվգենի Ալեքսեեւին (2710) եւ ուկրաինացիներ Ալեքսանդր Արեշչենկոյին (2709) ու Պավել Էլյանովին (2706): Զավեն Անդրեասյանն իր վարկանիշով (2631) 12-րդ տեղում է:
Սկզբում շախմատիստներն իրենց կարողությունները կփորձեն կայծակնային խաղում, ապա կանցկացվի դասական շախմատի մրցաշարը:
Բացի հայաստանցի շախմատիստներից, մրցաշարի մասնակիցների թվում են նաեւ Ռուսաստանը ներկայացնող հայ շախմատիստներ Արթուր Գաբրիելյանը, Նիկիտա Մատինյանը, Դավիթ Պառավյանն ու Տիգրան Նազարեթյանը:
