Չեռնոգորիայի Բուդվա քաղաքում մեկնարկել է արագ շախմատի Եվրոպայի պատանեկան առաջնությունը: 5 տուրից հետո առաջնության մասնակից 7 հայ շախմատիստներից լավագույն արդյունքն ունեն մինչեւ 14 տարեկանների մրցաշարի մասնակից Կոնստանտին Յայլոյանը եւ մինչեւ 16 տարեկանների մրցապայքարին մասնակցող Մանուել Պետրոսյանը, որոնք վաստակել են 4-ական միավոր: Ընդ որում Մանուելը առաջատարներից մեկն է: 4 միավոր ունեն նաեւ բելառուս Վալենտին Եժելը, ռուսաստանցի Կիրիլ Ալեքսեենկոն ու լիտվացի Տիտաս Ստրեմավիչյուսը:
Մինչեւ 14 տարեկանների մրցաշարում առաջատարը 100 տոկոսանոց արդյունք ունեցող ռուսաստանցի Թիմուր Տրուբչանինովն է:
Մինչեւ 12 տարեկանների մրցաշարում Շանթ Սարգսյանը 3 միավորով ընթանում է 10-րդ տեղում: Արթուր Դավթյանը 2 միավորով 22-րդ տեղում է:
Մինչեւ 14 տարեկանների մրցաշարում Հայկ Մարտիրոսյանը 3 միավորով 12-րդ տեղում է: Մինչեւ 18 տարեկան պատանիների մրցաշարում Կարեն Գրիգորյանը 3 միավորով 9-րդ տեղում է: Մինչեւ 14 տարեկան աղջիկների մրցաշարում Սոնա Ասատրյանը 3,5 միավորով 4-րդ տեղում է:
