Ֆուտբոլի Հայաստանի մինչեւ 17 տարեկանների պատանեկան հավաքականը, որը նախապատրաստվում է Եվրոպայի առաջնության ընտրական մրցաշարին, սկսում է ուսումնամարզական հերթական հավաքը ակադեմիայում: Սեպտեմբերի 28-ին եւ 30-ին ՀՀ հավաքականը ֆուտբոլի ակադեմիայի խաղադաշտում ընկերական հանդիպումներ կանցկացնի Վրաստանի իր հասակակիցների հետ: Հիշեցնենք, որ ընտրական մրցաշարն անցկացվելու է Հայաստանում հոկտեմբերի 23-30-ը:
Հավաքականի նորանշանակ գլխավոր մարզիչ Վարազդատ Ավետիսյանը, որը վերջերս այդ պաշտոնում փոխարինել է Արթուր Ոսկանյանին, հավաքի է հրավիրել 25 ֆուտբոլիստի: Նրանցից 4-ը լեգեոնականներ են: Պաշտպան Արթուր Օբուխովը հանդես է գալիս Խարկովի «Մետալիստում», իսկ Նարեկ Պետրոսյանը ներկայացնում է բելգիական «Անդերլեխտի» երիտասարդական թիմը: Կիսապաշտպաններ Դավիթ Մարտիրոսյանն ընդգրկված է Սանկտ Պետերբուրգի «Զենիթում», իսկ Միխայիլ Մարտիրոսյանը Մոսկվայի ԲԿՄԱ-ից է:
