ԱՄՆ-ում 70 տարեկանում սրտի կաթվածից մահացել է պրոֆեսիոնալ բռնցքամարտիկ, ամերիկացի Քեն Նորտոնը: Նա հայտնի է լեգենդար Մոհամեդ Ալիի նկատմամբ տոնած հաղթանակովՙ կոտրելով վերջինիս ծնոտը: Հետագայում Նորտոնը եւս 2 անգամ մենամարտեց Ալիի հետ ու երկուսում էլ պարտվեց:
Մարզական իր կարիերայում Նորտոնը 3 անգամ աշխարհի չեմպիոնի տիտղոսի համար մենամարտ է անցկացրել Ջորջ Ֆորմանի, Մոհամեդ Ալիի եւ Լարի Հոլմսի հետ ու երեքում էլ պարտվել է: Թեեւ Նորտոնին այդպես էլ չի հաջողվել նվաճել աշխարհի չեմպիոնի տիտղոսը, սակայն նրան ընդգրկել են բռնցքամարտի միջազգային Փառքի սրահում:
Նորտոնը պրոֆեսիոնալ ռինգում նորամուտը նշել էր 1967-ին, իսկ կարիերան ավարտել էր 1981-ին: Անցկացրած 50 մենամարտերից նա շահել էր 42-ը, 7-ում պարտվել էր, մեկն ավարտել էր ոչ-ոքի:
