Հայաստանի` Մաքսային միությանն անդամակցելու միջոցառումների ժամանակացույցը երեկ հաստատվեց կառավարությունում: Ինչպես նշեց հարցը ներկայացնող էկոնոմիկայի փոխնախարար Կարինե Մինասյանը, այդ նպատակով ստեղծվելու են 7 աշխատանքային խմբեր:
Լրագրողների հետ զրույցի ժամանակ Կարինե Մինասյանն ասաց, որ առաջին խումբը քննարկելու է պայմանագրի ընդհանուր դրույթները, երկրորդը զբաղվելու է սակագների, երրորդըՙ ոչ սակագնային կարգավորման, չորրորդը` տեխնիկական կարգավորման, հինգերորդըՙ հարկային եւ մաքսային հարցերով, վեցերորդըՙ ենթակառուցվածքների ուսումնասիրությամբ, յոթերորդըՙ մրցակցության հարցերով:
