Այսօր Տաշքենդում մեկնարկում է շախմատի կանանց Գրան պրիի խաղարկության 3-րդ փուլը: Էլինա Դանիելյանի մրցակցուհիները կլինեն Համպի Կոներուն, Չժաո Սյուեն, Ցզյույ Վենցզյունը, Եկատերինա Լահնոն, Բելա Խոթենաշվիլին, Անտուանետա Ստեֆանովան, Ալեքսանդրա Կոստենյուկը, Հարիկա Դրոնավալին, Օլգա Գիրյան, Գուլիսհան Նահբաեւան եւ Նաֆիսա Մումինովան:
Դանիելյանի համար Տաշքենդի մրցաշարը կլինի 2-րդը Գրան պրիի խաղարկությունում: Էլինան մասնակցել էր Դիլիջանում անցկացված 2-րդ փուլին: Նա անհաջող էր հանդես եկելՙ Գրան պրիի հաշվարկով վաստակելով ընդամենը 30 միավոր: Ընդհանուր հաշվարկում առաջատարը Սլովենիան ներկայացնող Աննա Մուզիչուկն է, որն ունի 250 միավոր: 220 միավոր է վաստակել Նանա Ձագնիձեն:
