Երեւանում ուղեւորների կանոնավոր փոխադրումներն իրականացնող կազմակերպությունների ընտրության մրցույթների վերաբերյալ երեկ քաղաքապետարանում տեղի ունեցած խորհրդակցության ժամանակ զեկուցվել է, որ զանգվածային լրատվության եւ այլ միջոցներով շարունակաբար իրազեկվում է մրցույթի անցկացման պայմանների մասին: «Սակայն մինչ օրս 23 երթուղիների սպասարկման համար հայտարարված մրցույթում մասնակցության հայտեր չեն ստացվել», նշվում է քաղաքապետարանի տեղեկատվության եւ հասարակայնության հետ կապերի վարչության հաղորդագրությունում:
Հիշեցնեք, որ ուղեւորափոխադրող կազմակերպությունները հրաժարվում են մասնակցել 100 դրամ ուղեվարձը որպես գործող պայման համարվող մրցույթին, պատճառաբանելով այդ սակագնով փոխադումներ իրականացնելու շահութաբեր չլինելը:
