Վ. Պ.
Նախագահ Սերժ Սարգսյանը, ըստ պաշտոնական հաղորդագրության, սեպտեմբերի 16-ին մեկնել է Ռուսաստանի Դաշնությունՙ մասնակցելու Մոսկվայի հայոց առաջնորդանիստ եկեղեցու օծման եւ եկեղեցական համալիրի բացման արարողությանը:
Այսօր էլ ԱԳ նախարար Էդվարդ Նալբանդյանը կմեկնի Վարշավա, որտեղ նախատեսված է նրա հանդիպումը Լեհաստանի արտգործնախարար Ռադոսլավ Սիկորսկու հետ:
ԱԳՆ մամուլի հաղորդագրության համաձայնՙ սեպտեմբերի 18-20-ը նախարար Նալբանդյանը պաշտոնական այց կկատարի Հռոմ, որի ընթացքում հանդիպումներ կունենա Իտալիայի օրենսդիր եւ գործադիր իշխանությունների բարձաստիճան ներկայացուցիչների հետ: Նախատեսված է նաեւ Էդվարդ Նալբանդյանի ելույթը Միջազգային հարաբերությունների իտալական ինստիտուտում:
Սեպտեմբերի 19-ին Էդվարդ Նալբանդյանը կմասնակցի Սուրբ աթոռում ՀՀ դեսպանատան բացման արարողությանը: Վատիկանում Հայաստանի արտգործնախարարը հանդիպում կունենա Սուրբ աթոռի պետությունների հետ հարաբերությունների գծով քարտուղար Դոմինիկ Մամբերտիի հետ:
Էստեղ են ասել` ամեն մարդ իրա դարդին…
