Ըստ Transfermarkt-ի, աշխարհի ամենաթանկ ֆուտբոլային հավաքականն Իսպանիայինն է: Հավաքականի ֆուտբոլիստների տրանսֆերային ընդհանուր արժեքը կազմում է 456 մլն եվրո: Իսպանացի ամենաթանկարժեք ֆուտբոլիստը «Բարսելոնի» 29-ամյա կիսապաշտպան Անդրես Ինիեստան է, որի տրանսֆերային արժեքը 65 մլն եվրո է:
2-րդ տեղում Գերմանիայի հավաքականն էՙ 415 մլն եվրո: Գերմանացիների կազմում ամենաթանկարժեքը Թոմաս Մյուլլերն էՙ 45 մլն եվրո:
Լավագույն եռյակը եզրափակում է Բրազիլիայի ընտրանինՙ 382 մլն եվրո: Բրազիլացիներից տրանսֆերային ամենաբարձր արժեքն ունի Նեյմարըՙ 50 մլն եվրո:
Ամենաթանկ հավաքականների տասնյակում տեղ են զբաղեցրել նաեւ Անգլիանՙ 348,5 մլն եվրո, Ֆրանսիանՙ 318, Իտալիանՙ 310, Բելգիանՙ 302,8, Պորտուգալիանՙ 298,5, Արգենտինանՙ 266,3 եւ Ուրուգվայըՙ 199,8 մլն եվրո:
