«Հայկական հուշարձանների ճանաչման ծրագիր» (AMAP) կազմակերպությունը հայտարարում է «Մշակութային փոխանակման հարթակ» (CULTUR-EXP) ծրագրի մեկնարկը: Այն իրականացվում է «Սեւծովյան ավազան 2007-2013» ԵՄ ընդհանուր գործողությունների ծրագրով:
«Մշակութային փոխանակման հարթակը», որի տեւողությունը 24 ամիս է, իրականացնում են Վրաստանի, Հայաստանի, Հունաստանի, Բուլղարիայի եւ Մոլդովայի կազմակերպությունները:
Ծրագիրը նպատակ ունի նպաստելու մշակույթների փոխանակմանը եւ դառնալու առցանց գործիք, որի միջոցով Սեւծովյան ավազանի տարածաշրջանի բոլոր արվեստագետները, արվեստի գործիչներն ու մշակութային գործունեությամբ զբաղվող կազմակերպությունները կարող են գովազդել, քննարկել կամ կազմակերպել մշակութային միջոցառումներ:
AMAP-ի նախագահ Ռիչարդ Նայը նշել է. «Սա չափազանց կարեւոր ծրագիր է հայ արվեստագետներին եւ մշակութային գործիչներին Սեւծովյան տարածաշրջանում եւ դրա սահմաններից դուրս ճանաչելի դարձնելու համար»:
