Վախթանգ Դարչինյանի եւ ֆիլիպինցի Նոնիտո Դոների միջեւ երկար սպասված ռեւանշ-մենամարտը վերջապես կկայանա: Այն նախատեսված է նոյեմբերի 9-ին ԱՄՆ-ում: Մենամարտը կհեռարձակվի ամերիկյան HBO հեռուստաալիքով:
Հիշեցնենք, որ 2 բռնցքամարտիկների առաջին մենամարտը կայացել էր 2007-ի հուլիսին: Այն ժամանակ ֆիլիպինցի բռնցքամարտիկը 5-րդ ռաունդում անսպասելիորեն նոկաուտի էր ենթարկել Դարչինյանին: Դա պրոֆեսիոնալ ռինգում հայ բռնցքամարտիկի առաջին պարտությունն էր: Այդ մենամարտից հետո Վախթանգը բազմիցս տարբեր առիթներով ռեւանշի է հրավիրել Դոներին, սակայն վերջինս մշտապես ինչ-որ պատճառաբանություն գտնելով, հրաժարվել էր կրկին ռինգ դուրս գալ Դարչինյանի դեմ:
