Երեւանում ընթացող շախմատի Հայաստանի առաջին խմբի 74-րդ առաջնությունում հիանալի է հանդես գալիս գրոսմայստեր Տիգրան Քոթանջյանը, որը 6 տուրից հետո վաստակած 5,5 միավորով միանձնյա գլխավորում է աղյուսակը: Քոթանջյանը մեկնարկում 5 անընդմեջ հաղթանակ տոնեցՙ հաջորդաբար պարտության մատնելով Լեւոն Բաբուջյանին, Հայկ Վարդանյանին, Վահե Բաղդասարյանին, Տիգրան Հարությունյանին եւ Արթուր Չիբուխչյանին: Միայն 6-րդ տուրում Արտավազդ Հայրապետյանին հաջողվեց կասեցնել առաջատարի հաղթարշավըՙ պարտիան ավարտելով ոչ-ոքի:
Առաջին խմբի մրցաշարն անցկացվում է շրջանաձեւ մրցակարգով, 14 մասնակիցներով: 4-ական միավորով առաջատարին հետապնդում են Կարեն Գրիգորյանը, Հովհաննես Գաբուզյանը, Հովիկ Հայրապետյանն ու Լեւոն Բաբուջյանը:
