Ինչպես արդեն տեղեկացրել ենք, ֆուտբոլի Եվրոպայի մինչեւ 17 տարեկանների պատանեկան առաջնության ընտրական մրցաշարի 7-րդ խմբի հանդիպումները տեղի են ունենալու Հայաստանում: Մեր հավաքականի մրցակիցներն են Անգլիայի, Իռլանդիայի եւ Ջիբրալթարի պատանի ֆուտբոլիստները:
Արդեն հաստատվել է մրցաշարի խաղացանկը: ՀՀ պատանեկան հավաքականը մրցաշարը կսկսի հոկտեմբերի 24-ին Անգլիայի ընտրանու հետ հանդիպումով: Խաղը տեղի կունենա ֆուտբոլի ակադեմիայի մարզադաշտում ժամը 15-ին:
Հոկտեմբերի 26-ին մեր ֆուտբոլիստները «Հանրապետականում» կհյուրընկալեն իռլանդացիներին: Խաղը կսկսվի ժամը 17-ին: 3 օր անց հայ ֆուտբոլիստները մրցաշարի վերջին խաղում ուժերը կչափեն Ջիբրալթարի հավաքականի հետ: Այս հանդիպումը կկայանա ֆուտբոլի ակադեմիայի խաղադաշտում եւ կսկսվի ժամը 15-ին:
