ՎԱՀԱԳՆ ԳՈՒՐԶԱԴՅԱՆ, պրոֆեսոր
ՍԵՐԳԵՅ ՄԱՏԻՆՅԱՆ, պրոֆեսոր, ԳԱԱ ակադեմիկոս
ԱՐԱ ՍԵԴՐԱԿՅԱՆ, պրոֆեսոր
Ա. Ալիխանյանի անվ. ազգային լաբորատորիա
Կրթության եւ գիտության նախարար Ա. Աշոտյանին
Երկու տարի առաջ մենք, նաեւ մասնագետներ ԱՄՆ-ից եւ Ռուսաստանից, Բյուրականի աստղադիտարանի աշխատակիցների խնդրանքով, հայտնել էինք մեր խիստ բացասական կարծիքը աստղադիտարանի տնօրեն Հ. Հարությունյանի հակագիտական դոկտորական ատենախոսության վերաբերյալ: Ի վերջո, ատենախոսության պաշտպանությունը կասեցվեց:
Վերջերս Հարությունյանը մամուլում հայտարարել է, որ աստղադիտարանում բացում է ռելյատիվիստական աստղաֆիզիկայի կենտրոն (հավանաբար տիեզերական աղբի հետազոտմանը զուգահեռ) այն դեպքում, որ աստղադիտարանում կամ ԳԱԱ-ում չկա գեթ մեկ մասնագետ այդ բնագավառից:
Կենտրոնի բացումը ԳԱԱ-ի հիմնարկում, որտեղ տեղեկություն չունեն հարաբերականության տեսությունից, սեւ խոռոչներից, ռելյատիվիստական կոսմոլոգիայից, իր անհեթեթությամբ քմծիծաղ է առաջացրել արտասահմանի մեր գործընկերների մոտ, այն կվարկաբեկի աստղադիտարանի, հայկական գիտության անունը:
Սա դարձյալ ցույց է տալիս գիտության կազմակերպման բացթողումները երկրում:
